1909 Ondarreta
Equí entamó tou. El campu d'Ondarreta, situado frenti al mar Cantábricu, foi ónde algamó el so primer título: la Copa del Rei de 1909.
1928 finales de Santander
Tres partios tuviéronse que xugar pa decidir el campeón de la Copa del Rei. La triple final de Santander escontra'l FC Barcelona quedó inmortalizada polos poemes de Rafael Alberti, Oda a Platko y la repica de Gabriel Celaya, Contraoda del poeta de la Real Sociedad
1929 Paco Bienzobas, másimu goliador primer Lliga
La Real foi ún de los clubes fundaores del primer campeonatu de Lliga. Finó cuartu y el realista Paco Bienzobas, con 17 goles, foi el primer másimu goliador de la Lliga. Bienzobas morrió un díi dempués de que le dixeren que la Real había ganáu la so primer Lliga, en 1981.
1931 La Lliga escápase pola diferencia de golesoles
La Real había estau na cabeza la mayor parte de la Lliga, que finó en un triple empate con el Athletic de Bilbao y el Racing de Santander. La Real que entrenaba Harry Lowe finó en tercer llugar pola diferencia de goles.
1951 Chamartín (Bernabéu) Final de Copa
Con Benito Díaz como entrenador y tres recuperar a dellos xugadores que tornaron dempués de facer al Valencia campeón, como Eizaguirre, Igoa y Epi, la Real algamó facer una magnífica Copa: goleó al Real Madrid nes semifinales y perdió escontra'l FC Barcelona nel nuevu Chamartín, actual Santiago Bernabéu. De haber podíu retener a aquellos tres xugadores, el palmarés de la Real sedría mayor.
1967 Puertollano, ascensu a los cielos
La Real cayóse dalgunes vegaes pero si dalgo caracterízase, ye que siempres llevántase con más fuercia. L'ascensu en Puertollano (Ciudad Real) escontra'l Calvo Sotelo dará entamu a la época dorada del club.
1976 Ikurriña en Atotxa
Apenes un añu dempués de morrer el dictador Francisco Franco, el 5 d'Avientu de 1976 saltaron al campu d'Atotxa los capitanes de la Real y del Athletic, Inácio Koetabarria y José Ángel Iribar, con una Ikurriña, bandera entovía illegalizada. El partíu homenaje a Gaztelu, nel que la Ikurriña quedó llegalizada dafechu, finó col resultáu de 5-0 pa los txuriurdines. Estábase forxando'l equipu campeón.
1979 Eliminatoria escontra'l Inter de Milán
Tres perder 3-0 en San Siro, la Real tuvo precuru en remontar en Atotxa daquella eliminatoria de UEFA escontra'l Inter de Milán. Nel partíu de vuelta, la Real tuvo a puntu de remontar nun partíu espectacular que firmó 2-0 y que la xente que presenciolo recuérdalo como'l meyor partíu visto n'Atotxa. La Real dábase a conocer n'Europa.
1980 Récord de imbatibilidá
El 11 de mayu de 1980 nel Ramón Sánchez Pizjuán la Real algamó'l record d'imbatibilidá de toles grandes lligues europees, que a nivel européu solo superaría'l Milán d'Arrigo Sacchi. Na Lliga española naide ha conseguíu superar la marca de la Real: 32 xornaes imbatíu na mesma temporada. Hasta Sevilla en mayu de 1980: esa derrota supusu una pergrande decepción ya que significaba perder daquella Lliga que tantu había merecíu.
1981 Xixón. Campeones de Lliga
"Hai un pase d'Olaizola sobro Alonso, centru d'Alonso, va a saltar Castro, toca de puños, llega'l balón sobro Górriz, !disparo de Górriz! atención, Zamora tien la pelota, tira y.... !gooooool, gooooool, gol de la Real, gol, goooool, gol de la Real, gooooool! !Increíble señores!". La narración de Joxean Alkorta aún resuena. Un añu dempués de perder una Lliga en mayu de 1980, la Real algamó en Xixón el so primer título de Lliga. Nel caberu minutu.
1982 Atotxa, segunda Lliga
Caberu partíu de Lliga en casa escontra los vecinos de Bilbao. Dos goles de Zamora y López Ugarte na segunda parte dan el triunfu a la Real. Atotxa y Gipuzkoa entera estallen d'allegría: somos bicampeones
1983 Hamburgo, semifinales Copa d'Europa
Enxamás la Real llegare tan lloñe. Na másima competición de clubes, la Real llegó fasta semifinales. Pol camínhabía elimináu al Víkingur de Reykjavík, Celtic de Glasgow y Sporting de Portugal. Tres empatar na so casa, cayó escontra'll Hamburger SV en Alemaña con un gol en fuera xuegu. L'equipu alemán derrotó a la Juventus na final d'Atenes.
1987 Zaragoza, Copa del Rei
A penales. Nuna tardi de muncho calor en Zaragoza, el nuesu gran capitán, Luis Arconada, paró'l penal decisivu a Quique Ramos col que la Real algamó'l so segundu títulu de Copa para, esta vegada escontra'l Atlético de Madrid. Enantes de los penales, l'Atlético de Madrid iguó los goles de López Ufarte y de Begiristain.
1998 Madrid, asesinatu d'Aitor Zabaleta
El 8 d'Avientu de 1998 ye'l díi con más tristura de la nuesa hestoria. Cuando diba cola so novia a ver el partíu de vuelta de octavos de final de la Copa de la UEFA ante'l Atlético de Madrid, Aitor Zabaleta fou asesináu nes inmediaciones del Vicente Calderón. El partiíu disputóse y aún güei parte de l'afición d'esi equipu deshonra la so memoria. Aitor beti gogoan.
2003 Anoeta, casi la tercera Lliga
Partíu memorable n'Anoeta. L'equipu entrenáu por Raynald Denoueix, que lluchaba de tú a tú pola Lliga escontra'l Real Madrid de los galácticos, derrotó 4-2 al equipu blancu con goles de Kovacevic (2), Nihat y Xabi Alonso. La Real dependió de sí mesma pa algamar la so tercera Lliga hasta la penúltima xornada, pero a la fin nun lo algamó al perder en Vigo, a 800 kilómetros de Donostia, ante más de 10.000 aficionados de la Real.
2004 ñaz'l equipu femenín de la Real
La Real femenín entamó na categoría más baxa y algamó'l ascensu en dos años. Cada añu la Real forma un grupu más sólido y poquiñín a poquiñín métese ente lo equipos d'enriba.
2010 ascensu nel centenariu
Tercer añu consecutivu na Segunda División. Temporada na que cellebrábase'l centenariu del club. Un equipu entrenáu por Martín Lasarte y con xugadores que sedrien la base de los siguientes años en Primera algama'l ascensu cuasi matemáticu nel campu de Carranza en Cádiz. Esi mesmu añu'l club entama a salir d'una difícil situación económica que llevó-y al concursu d'acreedores y que arrancó nos caberos años en Primera. Durante les cellebraciones, Lasarte fizo popular un llamamientu, “nun se desunan”, que lluéu explicó: “Esta ciudá, con esta afición, con esti club, montaos toos d'una manera estrecha, real, homoxénea en pos d'un oxetivu común y concretu, real, non utopíes, non tien techos”.
2013 Lyon y Manchester, de Kalexira por Europa
Tres una impresionante temporada realizada pol equipu dirixíu por Philippe Montanier, la Real algama superar el play-off de la Champions League col golazu de Antoine Griezmann nel estadiu Gerland de Lyon, onde acudió con 4.000 aficionados. La participación posterior foi decepcionante, pero sirvió pa que l'afición realista diera un exemplu de sofitu al equipu cuyo punto álxido foi la kalexira (una suerti de manifestación festiva) de 5.000 personas que partió dende la plaza Piccadilly nel centro de Manchester hasta'l estadiu de Old Trafford, onde esperaben otros 2.000 aficionados de la Real.
Zubieta, presente y futuru
Zubieta ye la gran xoya de la Real. Trátase del centru d'entrenamientu y formación de los futuros xugadores del club. Gracies al trabayu realizáu nesti llugar, la Real ye'l club de les grandes lligues que más xugadores formaos na so cantera xuegue nel so primer equipu.
Muncho más que fútbol
Amás de fútbol, la Real tien seiciones d'atletismu, xockey, pelota vasca y submarinismu. Con más de cien años, la seición d'atletismu ye la más veterana y la de xockey herba femenín ye la más exitosa, con dellos campeonatos. Atxurrak gora!.
Cultura, nun solo deporte
La Real nun ye solo fútbol nin solo deporte. Les aportaciones que directa o indirectamente ha realizáu a la cultura, más allá del deporte, son diverses. Eduardo Chillida'l escultor vasco más internacional foi porteru del club na temporada 40-41: “Nel fútbol yo deprendí munches coses que he utilizáu dempués na escultura”. Elías Querejeta, productor de munches de les meyores películes del cine español, tamién foi futbolista de la Real (41 partidos, 6 goles) y algamó convencer a dellos xugadores pa montar la productora Laponia films. Con ella ayudaron a producir Viridiana, una de les obres maestres del cine.
